Presidenti i Kosovës, Hashim Thaçi, i cili po merr pjesë në Forumin Ekonomik Botëror në Davos të Zvicrës, ka zhvilluar një takim me Robert O’Brien, këshilltarin për Siguri Kombëtare të presidentit amerikan, Donald Trump. Thaçi, përmes një postimi në Twitter, ka thënë se kishte një bisedë të shkëlqyeshme me Robert O’Brien.
“Bisedë e shkëlqyeshme me z.Robert O’Brien, Këshilltar i Sigurisë Kombëtare të Presidentit Trump, për ta konfirmuar rolin e domosdoshëm të SHBA-së në arritjen e marrëveshjes përfundimtare të paqes mes Kosovës dhe Serbisë dhe për të konfirmuar marrëdhëniet e veçanta midis dy kombeve tona”, ka shkruar Thaçi.
