Luftoni korrupsionin ose të gjithë do të dilni para drejtësisë. Me këtë thirrje të fortë i është drejtuar kryeprokurori Adriatik Lllalla prokurorëve të Fierit, kolegu i të cilëve u arrestua vetëm pak ditë më parë nën akuzë për 20 mijë euro ryshfet për një çështje.
Llalla ka kërkuar gatishmërinë e tyre në zbatimin e ligjit, pasi sic theksoi ai “ka denoncime nga qytetarët për shkelje të ndryshme”, të cilat sipas kreut të organit të akuzës nuk duhet të përsëriten.
Ky takim i Prokurorit të Përgjithshëm në Fier, vjen pas arrestimeve të bujshme në këtë qytet të 7 doganierëve për skandal me naftën “virxhin” dhe prangosjes së prokurorit Petrit Vukaj.
