Ambasadorja e Bashkimit Europian, Romana Vlahutin ka kërkuar të njëjtin guxim si të 25 viteve më parë edhe për reformën në drejtësi. Duke ju referuar shprehjes së atëhershme, “E duam Shqipërinë si gjithë Europën”, Vahutin tha se guximi për të çuar reformën e gjyqësorit para, nuk duhet të ndalet përpara atyre që mendojnë me arrogancë apo që lobojnë për të ndaluar procesin.
i ka konsideruar të ngjashëm për nga rëndësia realizimin e reformës në drejtësi dhe lëvizjen studentore të 25 viteve më parë kundër regjimit komunist.
Duke sugjeruar guxim, ambasadorja Vlahutin theksoi se reforma nuk do të ndalet pasi është e vetmja rrugë që Shqipëria të bëhet si Europa.
“25 vjet më parë njerëzit thanë ‘e duam Shqipërinë si gjithë Europa’. Ky është thelbi i refromës. 25 vjet më parë duhej shumë më tepër guxim për të dalë në rrugët e Tiranës për të kërkuar liri, sesa duhet sot për të realizuar këtë reformë. Prandaj, nuk ka justifikime dhe të gjithë ata që mendojnë se me arrogancë, manipulime apo lobime agresive do ta ndalojnë këtë proces, janë të gabuar”, deklaroi Vlahutin.
Romana Vlahutin foli përpara studentëve të Magjistraturës
“Është koha që brezi juaj te përfundojë atë që studentët nisën 25 vjet më parë. Ajo përpjekje nuk ka mbaruar ende. Dhe mos kini frikë, veçanërisht mos kini frikë nga ata që duan të besoni se janë të paprekshëm. Të paprekshëm nuk ka”, theksoi Vlahutin.
