Tirana dhe Partizani u ndanë në “paqe” në përballjen për javën e 15-të Kategorisë Superiore në stadiumin e rikonstruktuar “Selman Stërmasi”. Të dy ekipet kanë kërkuar me ngulm të cojnë topin në rrjetë, por nuk ia kanë dalë. Më pranë golit kanë qenë bardheblutë. Fukui ka qenë pranë golit në minutat 24′ dhe 42′ ku ka goditur me kokë, por ka reaguar mjaft mirë Alban Hoxha.
Ndërkohë pjesa e dytë nisi më e shpejtë nga të dy ekipet që patën raste të shumta për shënim. Tirana u duk me më tepër grintë dhe fitore për një triumf që i mungon prej dy vitesh përballë demave të kuq, por nuk arriti të konretizojë në gol rastet. Në fund bardheblutë pretenduan për një 11-metërsh, pasi Bakaj u rrëzua në zonë gjatë ekzekutimit të një goditje dënimi. Sulmuesi pretendoi për një tërheqje nga fanela, por për arbitrin gjithçka ishte e rregullt. Nga ana tjetër edhe Partizani nuk shfytëzoi si duhet rastet që krijoi. Pas kësaj ndeshjeje “demat e kuq” mbeten në vendin e parë, po tashmë Skënderbeu ndjekës shkurtoi diferencën në vetëm dy pikë.
Në fund të dy ekipet u kënaqën me barazimin e bardhë me rrjeta të paprekura.
Përpara ndeshjes dy ekipet dhe tifozeritë respektive mbajtën një minutë heshtje për Mirjan Hakanin, ish peshëngritësin që humbi jetën një ditë më parë.
Ndeshja ishte emocionuese edhe në shkallët e stadiumit ku tifozeritë dhuruan spektaktakël me koreografitë.
Letra për futbollistët e Tiranës para ndeshjes:
“Nëse jemi të bashkuar, e pamundura bëhet e mundur. Nëse jemi të ndarë, e mundura bëhet e pamundur. Ndiej që sot është dita për të shlyer gjithë sezonin, deri tani. Dhe për ta bërë këtë ka vetëm një mënyrë: Të luajmë si burra! Të vëmë zemrën në fushë dhe ta kemi mendjen e kthjellët!
