Gjykata e Tiranës ka lënë në arrest shtëpie djalin e deputetit të Pd Mëhill Fufi pasi këtij të fundit iu gjet një pistoletë. Geri Fufi, 16 vjeçar kishte patur një konflikt fizik me disa moshatarë të tij në shkollën Vasil Shanto.
Pas sherrit minoreni kishte udhëtuar në Lezhë për të marrë pistoletën e tipit Ekol, të cilën e mbante me vete edhe gjatë shkollës. Policia ka mundur të sekuestrojë pistoletën, të cilën e ka gjetur në çantën e një 17 vjeçareje, e cila po e ruante deri në përfundim të orës së mësimit.
Gjykata ka vendosur gjithashtu që Geri Fufi, përveç masës së arrestit të shtëpisë, të jetë edhe nën mbikqyrje elektronike, përmes një byzylyku, që do ta mbajë gjatë ndjekjes së orëve të mësimit.
Sakaq, “detyrim paraqitje” ka vendosur gjykata për vajzën që mbajti dhe fshehu armën e djalit të Fufit.
