Pas rrëzimit të avionit rus nga ushtria turke pranë kufirit me Sirinë, Turqia është akuzuar në mënyrë të rejtpërdrejtë nga Rusia se po mbështet xhihadistët e ISIS. Madje hije dyshimi janë hedhur edhe nga zyrtarë të tjerë të lartë të vendve të ndryshme apo analistë të marrëdhënieve ndërkombëtare.
I të njëjtit mendim, madje me shumë bindje flet për këtë lidhje Turqi-ISIS edhe gjenerali Wesley Clark, ish-shef i forcave të Nato-s në vitet 1997-2000.
“Të jemi të qartë: ISIS nuk është thjesht një organizatë terroriste, është një organizatë terroriste Sunite!”, thotë Clark.
Ai shkon edhe më tej teksa deklaron se Turqia mbështet interesat e ISIS, si një aleat gjeostrategjik në luftën kundër shiitëve. Madje gjenerali deklaroi se edhe Arabia Saudite mbështet Shtetin Islamik.
“Të gjithë e dinë që Turqia po ndihmon ISIS. Ata blejnë naftën nga xhihadistët duke i furnizuar me para”, tha Clark.
