Luis Enrique nuk mjaftohet me sulmin më të mirë të europës Messi, Suarez, Neymar. Trajneri i katalanasve kërkon emra të rinj në skuadrën e tij, e duke qënë se Barcelonës i mbaron dënimi i dhënë nga Fifa këtë merkato dimerore, drejtuesit e klubit do të hidhen në sulm për një lojtar që mund të rezultojë premtues për blaugranat.
2 janë mundësitë, i pari është Simone Zaza, 24 vjecari që luan për Juventusin dhe ka shënuar 2 gola në 7 ndeshje. Bardhezinjtë i paguan 18 milionë Sasuolos këtë verë për shërbimet e lojtarit, që mbase në të ardhmen do ta shohim në Camp Nou.
Nese Zaza është i pamundur alternativa tjetër është Manolo Gabbialdini që njësoj si Zaza është 24 vjec dhe aktivizohet me Napolin. Lojtari ka shënuar 1 gol në 9 ndeshje dhe klubi pagoi 13 mil për ta shkëputur atë nga Sampdoria.
Listës me siguri deri në hapjen e merkatos do t’i shtohen emra të rinj, por vlen për tu theksuar se sulmuesi që kërkon Barca duhet të jetë i gatshëm të qëndrojë në stol dhe të aktivizohet vetëm kur një prej yjeve Messi, Suarez ose Neymar të pushoje ose në rastin më të keq të dëmtohet. Për këtë arsyje nuk kërkohet një lojtar i niveleve të larta por dikush që të jetë i gatshëm të veshë fanelen blaugrana kur të jetë e nevojshme. Supersport
