Një burrë në Kenia i ka prerë duart me shpatë ish-gruas, për shkak se gjatë shtatë viteve të martesës së tyre ajo nuk kishte arritur të mbetej shtatzënë, edhe pse ai ishte steril.
Jackline Mwende u masakrua brutalisht nga Stephen Ngila në shtëpinë e saj në Masji, Machakos, pasi ish-bashkëshorti i kishte thënë se “kjo është dita e saj e fundit”.
34-vjeçari nuk mund të pajtohej me faktin që nuk ka fëmijë, edhe pse mjekët vazhdimisht u kishin bërë me dije se problemi qëndron tek burri.
Mjekët vazhdimisht e kishin informuar burrin e Jacklines se ai ka probleme, por mund të shërohej nëse ndiqte këshillat e tyre.
Por edhe pse ata ishin ndarë për tre muaj, burri i tërbuar është rikthyer në shtëpinë që dikur e ndante me bashkëshorten, dhe kështu e sulmoi me shpatë duke ia prerë të dy duart.
Mwende 27-vjeç, gjithashtu ka pësuar lëndime serioze në kokë, derisa ky rast ka shkaktuar reagime të ashpra në Kenia.
BW/d.i.
