Janë të rralla herët kur Olta Gixhari ka folur për bashkëshortin dhe djalin e saj brenda “Big Brother Vip”.
Mirëpo sa më shumë që kalojnë ditët e izoluar në shtëpinë e “BBV”, Olta zbulon ndonjë detaj mbi familjen e saj. Së fundmi në një bisedë me banorët ka treguar sa e varur psikologjikisht është me partnerin e saj.
Ajo shtoi se edhe në jetën e saj të përditshme nuk bën asgjë nëse ai nuk e aprovon.
“Ndonjëherë nuk i gjej fjalët për ta shpjeguar pse vendosa të vi këtu. Sepse unë praktikisht e kisha harruar Oltën komplet, e kisha lënë çdo gjë. Për mua familja është gjithçka.
Ata të dy i dua shumë. Nuk jetoj dot pa ata. Për mua është sfidë më vete, se jam shumë e varur psikologjikisht nga burri im. Unë kam nevojë për fjalën e atij për çdo hap që hedh.
Unë që dukem femër e fortë, kam varësi psikologjike nga ai njeri të frikshme. Unë çdo veprim që bëj këtu më del para syve ai”, është shprehur ndër të tjera aktorja.
/e.d
