Një shtetas shqiptar 21-vjeçar është plagosur me thikë në Scandiano të Italisë së veriut. Ai ndodhet në gjendje të rëndë shëndetësore sipas autoriteteve italiane.
Bëhet fjalë për shtetasin Aldi Shpijati. Ky i fundit u operua në spitalin Santa Maria Nuova, ku ndodhet në repartin e reanimacionit.
Sulmi ndodhipranë stacionit të trenit, në një parking rreth orës 4.30 të mëngjesit të djeshëm. I riu ishte futbollist dhe luante te ekipi i Arcetanas.
Shkaqet duken ende të paqarta, por karabinierët i cilësojnë pa dyshim si arsye të dobëta. Djaloshi është goditur pranë qafës dhe në bark me një send të gjatë prerës./a.m.
