Drejtori ekzekutiv i Tesla-s, Elon Musk vlerësoi presidentin kinez Xi Jinping, duke e quajtur atë një “udhëheqës të madh” në komentet që bëri gjatë një interviste me transmetuesin shtetëror kinez CCTV të martën.
“Nën presidencën e tij, Kina ka parë një prosperitet të jashtëzakonshëm”, tha Musk, duke iu referuar progresit të parë në ndërtesat dhe infrastrukturën e re që po ndërtohet në vend.
“Është gjithashtu e qartë, vetëm duke ecur nëpër rrugë, se prosperiteti i qytetarit mesatar kinez është rritur”, shtoi ai.
Musk pritet të marrë pjesë në një darkë në Shtëpinë e Bardhë me udhëheqës të tjerë të biznesit amerikan në nder të Xi të enjten, të organizuar nga presidenti i SHBA-së Donald Trump.
Udhëheqësit e dy ekonomive më të mëdha në botë janë planifikuar të mbajnë samitin e tyre të dytë këtë vit të enjten, pas vizitës së presidentit të SHBA-së në Kinë.
Musk përmendi gjithashtu qendrën më të madhe të prodhimit të Teslës, e cila ndodhet në Shangai, duke e përshkruar ekipin si “jashtëzakonisht të talentuar, punëtor dhe të besueshëm”.
