Ish-ministri i Drejtësisë, Ylli Manjani ka dalë me një reagim të fortë në rrjetet sociale, teksa e gjithë vëmendja është përqendruar tek Ilir Meta që rezulton spiun e ish-Sigurimit të Shtetit dhe Sali Berisha, që tashmë është shpallur ‘non-grata’ edhe nga Britania e Madhe.
Manjani shkruan se këto ngjarje nuk duhet të na e largojnë kurrsesi vëmendjen nga afera e inceneratorëve dhe mafia e krimi që kanë ‘pushtuar’ vendin tonë.
“E megjithatë, dmth megjithë të zezat e Berishës e të zezat e Metës, in-ce-ne-ra-to-rët janë veprimtari e pastër mafioze.
Vendosja e Shqipërisë në hartën e trafikut botëror të drogës, është gjithashtu veprimtari mafioze.
Vrasja e shqiptarëve me njëri-tjetrin për larje hesapesh është pasojë e politikës mafioze.
Mafia është shkalla më e lartë e krimit të organizuar që njeh rruzulli.
Nëse me nongratllëk apo një dosje (ende e supozuar) “I.M” tentohet të relativizohet apo të fshihet veprimtaria mafioze që po na fundos si shoqëri dhe, ja arrijnë ta bëjnë, bash bravo ju qoftë!
Në fund të fundit shoqëria vetë, e cila pranon politikën mafioze si alternativën më të mirë, vendos për fundosjen e saj.
Nuk jam për të anashkaluar përgjegjësinë e askujt në opozitë, por shkulja e mafias nga politika e nga jeta jonë duhet të jetë përparsi.
Nëse mafia është më e mira, atëherë hajde të tregojmë përralla me “Fazlliç” e me sigurimsa… Le të kalërojë Mafia për qejf të vet!”, shkruan Manjani./m.j
