Kordinatori i partisë “Bindja Demokratike”, Astrit Patozi, ka ironizuar situatën e krijuar me Gjykatën Kushtetuese. Pas vendimit të presidentit Meta për të dekretuar si anëtare të kësaj gjykate Marsida Xhaferllarin, Patozi shkruan:
“PSE TË MOS KEMI 3 GJYKATA KUSHTETUESE?
Hahaha. Çfarë shteti qesharak! Kishim dy vjet pa Gjykatë Kushtetuese fare, kurse tani, me sa duket, do të kemi dy të tilla njëherësh. Njërën, sipas Edi Ramës, dhe tjetrën, sipas Ilir Metës.
E sigurt është se që të dyja po ngrihen për të mbrojtur interesin publik, ndaj dhe protagonistët duhen falenderuar me gjithë zemër për kontributin dhe sakrificën.
Problemi i vetëm që ka dalë është se pse të mos kishim edhe një Gjykatë Kushtetuese tjetër, sipas Lulzim Bashës. Me këtë rast, ekuilibri do të ishte i plotë, por edhe suksesi i garantuar”.
