Fatos Berisha, drejtues i PriFest dhe regjisor i njohur, ka ndarë një histori nga vizita e tij e fundit në Tiranë. Duke udhëtuar me një taksi, Berisha tregon se kishte humbur kuletën bashkë me dokumentet e tij. Megjithatë, taksisti, Halil Hafuzi nga Kukësi, e gjeti kuletën dhe pasi e identifikoi, bëri një përpjekje të madhe për ta kthyer atë në dorë të pronarit.
Regjisori shprehet për mënyrën e papritur dhe admiruese si taksisti mori përgjegjësinë për të gjetur kontaktin në internet dhe ia dorëzoi kuletën në atë adresë.
“Dje në Tiranë. Mora taxi për te TullaCulture dhe me taksistin (me prejardhje nga Kukësi) bëmë bisedë të këndshme rreth Kosovës, Kukësit, Londrës, çmimeve e të ngjashme. Zbrita te Tulla, dhe ai aty e kuptoj çfarë dhe ku ishte Tulla. Por, unë nuk kuptova që në atë taksi më kishte rënë kuleta (me gjitha kartelat e leternjoftimin). Ndërkohë, taksisti kishte gjetur kuletën, nga ID ime e kuptoi e kujt ishte, dhe mori mundin të hulumton në internet për të gjetur ndonjë kontakt të Tulla Center. E gjen dhe u shkruan, duke lënë kontaktin e tij. Dhe krejt në fund, edhe ma sjell kuletën aty ku më kishte lënë. Ai quhet Halil Hafuzi. Ende ka njerëz të mirë. Një qytetar i ndershem i Tiranës që duke bërë vepër të mirë i bën nder edhe qytetit”, shkruan regjisori i njohur nga Kosova, Fatos Berisha.
Erion Veliaj, kryebashkiaku i Tiranës, ka ripostuar këtë mesazh, duke e vlerësuar si një shembull të thjeshtë të mikpritjes dhe sigurisë në këtë qytet.
“Tirana qyteti më i sigurt në rajon, meritë e njerëzve të thjeshtë që kuptojnë se Tirana mikpritese është formula e suksesit tonë”.
/a.d
Nje ngjarje e tille na ndodhi dhe ne si familje.Po shkonim me autobuzin e Mega Tegut tek Kasa Italia per te blere dicka,kur burri shikon I kushte rrene portofoli.U beme keq sepse kishim dokumenta ,para.Por ja qe ka njerez te mire qe kane ngelur.Shoferi bashke me faturinon e kishin gjetur dhe na moren ne telefon per te lene takim per ta marre.Ky veprim ka gati 2 muaj.I falenderuam ata,bile shkuam dge ne polici qe ti denonconim per kete guest te mrekullueshem.Bile ata na lajmeruan qe do ta nxirrnin tek portali:Jeta eshte qef.Ua diameter dhe emrat per secilin.Edhe njehere I falenderpjme shume.
Per te tille njetez kemi nevoje.