Ajo është një ndër femrat më të bukura të Hollywood-it, një muzë e cila ka inspiruar jo vetëm emrat më të mëdhenj të kinemasë dhe modës, por edhe me mijëra vajza e gra anembanë në botë, aq sa shumë prej syresh do të dëshironin t’i ngjanin idhullit të tyre Angelina Jolie.
Mirëpo disa prej tyre fiksoshen aq keq aq sa nuk do të nguronin të bënin ndërhyrje estetike apo trajtime për t’i ngjarë medoemos personazhit të tyre të preferuar.
I tillë është rasti i 29-vjeçares Saba Tahar, e cila ka marrë vëmendjen e të gjithë mediave pasi ka harxhuar shumë të mëdha parash për të realizuar operacione plastike në fytyrë dhe në trup, për t’u shndërruar në një Angelina Jolie të vërtetë por duket se nuk ka shkuar ashtu siç ajo e kishte parashikuar.
Për të mos thënë se ka shkuar si mos më keq. Vajza nga Irani është shpërfytyruar dhe komentues të shumtë e kanë quajtur “të frikshme”. Pas ndërhyrjeve Saba nisi edhe një dietë të fortë për të arritur format trupore të aktores, por gjërat nuk shkuan ashtu siç duhet dhe vajza u diagnostikua me një formë të rëndë të çrregullimit të ushqyerjes./a.ç
