Një grua nga Berati ka denoncuar fqinjin për ngacmim seksual.
Një 59-vjeçar është vënë nën hetim nga policia.
Ka qenë vetë gruaja 43 vjeçare me iniciale M.H e cila ka bërë denoncimin ndaj 59-vjeçarit me iniciale E.K.
Në bazë të dëshmisë së gruas, ajo ka treguar se fqinji i saj e ka ngacmuar seksualisht, teksa kjo e fundit ka qenë duke ecur në rrugë.
Gruaja, e cila është e martuar ka bërë rezistencë duke shpëtuar nga duart e fqinjit, i cili nuk e ka lënë me aq, por ka vijuar me sharjet ndaj saj.
Në këto kushte ndaj 59-vjeçarit nisën hetimet, duke u proceduar penalisht nën akuzën e ngacmimit seksual.
Mbi të rëndon akuza për veprën penale të ngacmimit seksual. Nëse shpallet fajtor, ai rrezikon të dënohet deri në 5 vite burg.
