Anglia është shpallur kampione europe në futboll për moshën nën 21 vjeç pasi mundi në finale ekipin e Spanjës me rezultatin e ngushtë 1-0.
“Tre luanët” e vegjël e gjetën golin e fitores nga një goditje dënimi e Jones në minutat shtesë të pjesës së parë, e cila u devijua nga muri mbrojtës dhe përfundoi në rrjetë.
Në këtë moment pati dhe një moment tensioni mes palëve, ku arbitri kryesor i ndeshjes nuk kurseu as kartonët e verdhë dhe të kuq.
Pas këtij momenti, loja ishte e gjitha në këmbët e spanjollëve, të cilët ndonëse më superiorë në kontrollin e topit, gabuan shumë përpara portës.
Atëherë kur mendohej se gjithçka kishte përfunduar, spanjollët fitojnë një 11 metërsh falë ndërhyrjes së VAR, por portieri i Anglisë u tregua magjik duke e pritur topin dy herë, për t’i shpallur të tijtë kampionë.
/a.r
