Komandanti i trupave të KFOR-it Angelo Michele Ristuçia, tha se kryeministri Kurti gaboi kur vendosi kryetarë komunash me etni shqiptare që nuk njihen nga shumica serbe. Sipas tij, misioni i NATO-s nuk duhet që të konsiderohet ombrella ku fshihen veprime të njëanshme që prishin ekuilibrat shumë të pasigurt.
“E konsideroj të gabuar vendimin e kryeministrit kosovar Albin Kurti për të vendosur kryetarë komunash me përkatësi etnike shqiptare të pa njohur nga shumica serbe dhe pa marrë parasysh këshillat dhe kundërshtimin e të gjithë bashkësisë ndërkombëtare. Veprimi i dytë i njëanshëm i qeverisë së tij ishte përdorimi i forcës pa u konsultuar me KFOR-in, duke e bërë kështu të nevojshme ndërhyrjen tonë për të shmangur një tragjedi”, tha Ristuçia, komandat i trupave të KFOR-it.
I pyetur nga një gazetë italiane nëse ishte një “vendim legjitim i qeverisë që vepron në territorin e saj”, komandanti i KFOR-it tha se nuk është hera e parë që vendimet janë marrë pa koordinim paraprak me KFOR-in dhe palët e përfshira.
“Kjo është një qasje që sigurisht nuk inkurajon besimin e ndërsjellë. Pasojat e dëmshme të veprimeve të tilla duhet të vlerësohen gjithmonë. Kur ka folur me mua, kryeministri Kurti është pajtuar gjithmonë me këtë qasje”.
Duke komentuar përgjigjen e kryeministrit Kurti se “Kosova është shtet i pavarur që nuk mund të dorëzohet para shantazheve të banditëve”, komandanti i KFOR-it tha se anëtarët e misionit janë të shqetësuar për sigurinë, stabilitetin dhe lirinë e lëvizjen e te dyja grupeve etnike.
I pyetur se cili është rreziku i përshkallëzimit të mëtejshëm të situatës, Ristuça ka thënë se ndërhyrja e KFOR-it ka pasur efekt vetëm afatshkurtër dhe se përmes aksionit diplomatik, Serbia dhe të Kosova duhet qe të flasë sërish për të vendosur paqen mes tyre.
/a.r
