Të gjithë ujësjellësit rajonalë të Kosovës kanë rritur masat e sigurisë tash e disa javë, shkruan Koha Ditore. Shumica e kompanive rajonale të ujësjellësve, po ruhen me numër më të madh të rojave dhe të kamerave. Arsye për këtë, sipas udhëheqësve të këtyre kompanive, janë raportimet në medie për rrezikun nga sulme të ndryshme.
Në Prishtinë, masat e sigurisë janë shtuar qysh para një muaji. Masat e sigurisë janë shtuar edhe në Gjilan. Mirëpo, në këtë Komunë, ato nuk janë shtuar para arrestimit të 5 të dyshuarve për terrorizëm në liqenin e Badovcit. Ndërkaq, masat e sigurisë janë shtuar edhe në Pejë e Gjakovë. Në kompaninë “Radoniqi” në Gjakovë, masat janë shtuar qysh para 3 javësh. (Artikullin e plotë mund ta lexoni në numrin e sotëm të Kohës Ditore)
