I ndërtuar në mesin e viteve ‘50 nga rusët, nënstacioni i Tec Kombinat nuk i shpëtoi vetëtimave gjatë natës së 23 qershorit. Rrufeja goditi pjesën anësore të n/stacionit, sikur preu me “thikë” një pjesë të godinës bashkë me pajisjet 35 kV.
Sikur të mos mjaftonin kushtet në të cilën ndodhet, tejet i amortizuar prej dekatash përdorim, ish-gjigandi rus ndaloi punën duke lënë pa energji elektrike zonën e Kombinatit dhe fshatrat rreth tij.
OSHEE dhe stafit të Drejtorisë rajonale Tensioni i Lartë Tiranë iu dëshën 12 orë punë për normalizimin e situatës.
Nga fotot duket si një betejë apokaliptike brenda godinës fantazëm, që sipas OSHEE është në plane të 2018-s për ta nxjerrë nga funksioni dhe të ndërtojë një të ri.
Stuhia që zuri vend mesnatën e së premtes deri në orët e para të mëngjesit të së shtunës mbolli panik tek qytetarët jo vetëm për shkak të shiut të rrëmbyer por edhe vetëtimave të pafundme.
Ky edhe për ekspertët është një rast i veçantë edhe pse jo i vetmi kur zemërimi i natyrës ka arritur në këto nivele. Të dhënat e mbledhura nga stacionet që monitorojnë vetëtimat informuan se Shqipëria nuk ka qenë e vetmja me intensitet të lartë godititjeje nga vetetimat në një hapësirë kaq të vogël gjeografike.
Të njëjtat stacione raportojnë se vendi yne dhe disa nga rrethinat e fqinjëve u goditën me të paktën 25 mijë vetëtima në harkun kohor të tetë orëve.
/a.ç
