FOTO/ Benard Dino plagos vëllain e vajzës që e prostituonte, nis gjyqi

Benard Dino, një shqiptar i moshës 36-vjeçare, akuzohet për një vrasje dhe dy plagosje, të ndodhura në Ixelle të Belgjikës më datën 28 prill të vitit 2014, raportojnë mediat vendase.

Dino akuzohet për vrasjen e një shqiptari dhe plagosjen e dy bashkëatdhetarëve të tjerë, krim ky që dyshohet të jetë kryer për mosmarrëveshjeve mbi shfrytëzimin e prostitucionit me të cilin merreshin ata.Në vitin 2014, Dino sulmoi me thikë tre persona, njëri prej të cilëve mbeti i vdekur. Ermir Bodurin 29 vjeç ndërroi jetë në spital, ndërsa u plagosën Leonard Molla dhe Ortiz Spahi.

Molla sakaq kur kishte dëshmuar në Policu ishte shprehur se Benard Dino ishte një tutor që i kishte borxh rreth 500 Euro. Gjatë hetimit u zbulua se motra e Leonard Mollës shfrytëzohej për prostitucion nga 36-vjeçari Dino. Sipas versionit të Leonard Mollës, të tre u sulmuan nga Benard Dino. Ndërsa ky i fundit kishte hedhur poshtë këtë pretendim duke thënë se viktima dhe dy të plagosurit ishin të pajisur me thikë dhe kishin shkuar ta sulmonin. Ai sqaroi se i kishte qëlluar viktimat për vetëmbrojtje.

36-vjeçari Benard Dino pas vrasjes ishte larguar drejt Gjermanisë dhe më pas në Shqipëri. Ai u arrestua disa muaj më vonë, në tetor 2014 dhe u ekstradua në Bruksel ku edhe po gjykohet për krimin.