Edicioni i ri i Festivalit të pavarur amerikan të filmit “Sundance”, e themeluar nga Robert Redford, fillon të premten në shtetin amerikan të Utah, ku gjatë 11 ditëve të festivalit do të shfaqen rreth 120 filma. Ndër arritjet e tij dhe që kanë të bëjnë me çështjet aktuale në botë, pritet dokumentari në lidhje me gazetarin amerikan Xhejms Foli, i cili vitin e kaluar u vra prej xhihadistit John nga shteti islam.
“Ekziston një evolucion i filmit të pavarur dhe kjo tregohet në thellësinë e rrëfimit, një qasje të re për regjistrimin dhe eksperimente të ndryshme prej regjisorëve”, tha drejtori i festivalit John Cooper, duke shtuar se çdo vit rritet audienca që është e interesuar në kinemasë së pavarur.
Festivali, i themeluar në vitin 1985, këtë vit do të prezantojë filmin “Newtown” që lidhet me masakrën e 26 njerëzve, përfshirë 20 studentë në vitin 2012 në shtetin e Connecticut.
Presidenti amerikan Barak Obama është i përfshirë si personazh me një temë filmi në këtë vit, të titulluar “Southside with you”, romanca e një avokati të ri Barack-ut në vitin 1989 me gruan e tij të ardhshme, Michelle Obama. Festivali, i cili shkon deri më 31 janar do të shfaqë dhe realizimin e dokumentarit me regji të Spike Lee për këngëtaren Michael Jackson.
“Sundance” është një nga festivalet më të rëndësishëm amerikan të filmit të pavarur dhe konsiderohet si një mundësi për filmbërës premtues, të cilët merren me dokumentarë, filma të huaj dhe të pavarur për të promovuar projektet e tyre dhe për të tërhequr vëmendjen e publikut.
Disa nga regjisorët tashmë të njohur botërisht, në mesin e tyre Kuentinon Tarantino, Paul Thomas dhe Darren Aronofsky kanë përjetuar suksesin duke filluar prej Festivalit të Filmit “Sundance”.
Redford i cili është kryetar i festivalit, e ka shpallur këtu manifestin e njohur për të ardhmen e filmit klasik, e mu para premierës së “Butch Cassidy and Sundance Kid” në vitin 1969.
