Shefat e Volksëagen-it kishin vendosur të fshihnin mashtrimet me emetim të gazrave në Amerikë, për dy muaj para se të bëhej publik skandali i madh i vitit 2015, thuhet në një dokument të gjykatës amerikane të siguruar nga Reuters.
Sipas dokumenteve të FBI-së, zyrtarët qëllimisht kishin fshehur pajisjen mashtruese nga 27 korriku i vitit 2015.
“Në vend se të shikonte mundësinë për largimin e pajisjes mashtruese nga rregullatorët amerikanë, ekzekutivi i VW-së autorizoi vazhdimin”, thuhet në dokumente.
VË nuk ka komentuar këtë dokument të siguruar nga Reuters duke thënë se procesi në gjykatë është duke u zhvilluar dhe nuk dëshiron të ndërhyjë me komente.
Të hënën në mëngjes është arrestuar Oliver Schmidt, që udhëhiqte VW-në në kohën e skandalit.
Gjiganti gjerman në fund të shtatorit të 2015-ës kishte pranuar se fshehtazi kishte instaluar një pajisje mashtruese që fshihte emetimin e gazrave të automobilave duke e ulur nivelin në kohën e testimeve, përgatiti Koha. (b.an)
