Ne mbledhjen e Këshillit të Lartë të Drejtësisë që do të mbahet më 7 maj 2018, Ministria e Drejtesise do të kerkoje shkarkimin e 4 gjyqtarëve dhe miratimin e një dorëheqie. Por kush janë gjyqtarët që kërkohen masë shkarkimi dhe shkaqet?
Njëri është Petraq Curri gjyqtari i Durrësit që sipas Ministrisë së Drejtësisë ka shkelur ligjin duke liruar nga qelia Alket Hatinë të konsideruar baroni i drogës. Këtë akuzë Hatia e ka mohuar duke deklaruar se ai nuk dorëzohet, pasi e akuzojnë padrejtësisht për një dënim që ai e ka shlyer më parë.
Një tjetër gjyqtar për të cilin kërkohet shkarkimi është gjyqtari i Fierit Ergys Selmani, i cili ishte gjyqtari që vonoi zbardhjen e urdhërit të mbrojtjes të shtetases Liljana Ruka që u vra më pas nga bashkëshorti i saj.
Shkarkim kërkohet edhe për gjyqtarin administrativ të Shkodrës Ahmet Jangulli dhe administrativ të Vlorës Ken Dhima. Ndërsa zyrtarisht dorëheqjen në KLD e ka paraqitur gjyqtarja e Durrësit Merita Xhani, kërkesë të cilën e ka paraqitur prej datës 8 shkurt 2018.
ma.me. /javanews.al
