Kriza e emigrantëve të parregullt javën e kaluar në territorin spanjoll të Afrikës Veriore, Ceuta, nuk e rrezikoi zonën Shengen të udhëtimit pa viza të Evropës. Kështu u shpreh ministri i brendshëm i Spanjës, Fernando Grande-Marlaska pas një takimi online me homologët e tij të BE-së. Ai shtoi se vendi i tij kishte kthyer tashmë në Marok 70 mijë nga 72 mijë emigrantë që hynë në Ceuta më 30 korrik.
Ndërkaq qeveria spanjolle tha se ajo krizë mori 72 jetë njerëzish dhe shkaktoi një përplasje diplomatike me partnerët e Spanjës në BE, pasi Italia dhe Danimarka kërkuan më herët pezullimin e Spanjës nga zona Shengen.
Ministri spanjoll kritikoi Romën , duke e cilësuar të pakuptueshëm vendimin e Italisë për të pezulluar përkohësisht marrëveshjen Shengen me vendin e tij komisionari evropian për migracionin Magnus Bruner tha se BE-ja e ka kaluar testin e sigurisë kufitare me incidentin në Ceuta, duke siguruar se asnjë emigrant nga Ceuta nuk ka hyrë në zonën Shengen. “Ditët e fundit ishin një provë e qëndrueshmërisë sonë evropiane, një provë e sigurisë së kufijve tanë të jashtëm. Mendoj se Evropa e ka kaluar patjetër këtë provë.”- theksoi ai.
Pasi vlerësuan reagimin e Spanjës, ministrat theksuan se komunikimi mes vendeve anëtare duhet të jetë më i koordinuar dhe më koherent, veçanërisht për t’iu kundërvënë aktorëve të jashtëm keqdashës të angazhuar në manipulimin e informacionit dhe ndërhyrjet nga jashtë.
“Ministrat e Brendshëm të BE-së zhvilluan bisedime emergjente pasi një ditë më parë Presidentja e Komisionit Evropian Ursula von der Leyen kërkoi veprim të përbashkët dhe siguri më të fortë kufitare pas krizës së emigrantëve në Ceuta.
