Para pak ditësh ministria e brendshme provoi në një ceremoni, përdorimin e dronëve, për funksione patrullimi në raste kriminale, si dhe për fotografimin e evidentimin e parcelave të mbjella me lëndë narkotike. Duket se projekti po merr një formë të përcaktuar, me shqyrtimin e mundësisë konkrete të blerjes së një partie dronësh (mbi 200 ekzemplarë të tillë), jashtë vendit.
Tashmë thuhet se ka një ide edhe për çmimin dhe të dhënat teknike të aparateve fluturues. Sipas burimeve të ekspertëve që po studiojnë në këtë fushë, një dron me autonomi fluturimi rreth dy orë dhe shppejtësi deri në 80 km/orë, kushton nga 2500 deri në 12 mijë euro, nëse përmban të dhënat e një aparature profesionale. Natyrisht që këto paisje nuk do të jenë si ato që të gjithë imagjinojnë, në stadiumin e Beogradit.
Ekspertët thonë se këto dronë do t’i ngjajnë një avioni në miniaturë, me hapje krahësh deri në dy metra dhe që fluturojnë në mënyrë të pavarur, duke transmetuar direkt pamje dhe video nga vendi që vrojtohet.
