Kandidati për deputet i Partisë për Drejtësi, Integrim dhe Unitet, në qarkun e Elbasanit, Aqif Rakipi, u premtoi banorëve më tepër mirëqenie, nëse kjo forcë politike vjen në pushtet.
Udhëheqsi i qarkut të Elbasanit, Rakipi foli se PDIU ja jep timonin Edi Ramës kur ky i fundit t’i jap zgjidhje të gjithë banorve të Peqinit.
“Ja japim timonin Edi Ramës pa problem. Ju e dini të gjithë që unë e kam mik Edi Ramën, sepse ju e kani parë dhe këtu kur ai ka ardhur. Megjithatë ne ja japim timomin Edi Ramës, kur ti japi zgjidhje të gjithë njerzëve këtu, të gjithë fshatit dhe të gjithë shqipërisë”, u shpreh Rakipi.
Ndërsa, më tej Rakipi bëri dhe krahasimin mes Sali Berishës dhe Lulzim Bashës.
Sipas tij, në kohën kur ish lideri demokrat zhvillonte takime në Peqin kishte një interesim të madh të njerzve për ta takuar, ndërsa kur vjen Basha nuk shkojnë as pesë vetë për ta takuar.
“Kur vinte Sali Berisha në Peqin “vriteshin” njerzit për ta takuar, ndërsa tani që vjen Luli këtu nuk shkojnë as pesë veta. Shiheni vetë dallimin”, deklaroi Rakipi.