Kryetari i Koalicionit Euroatlantik, Lulzim Basha ka vijuar replikat me kryeministrin Edi Rama pasi ky i fundit i përmendi se kishte ngelur vetëm.
Basha shfaqet në një video me Hysen Xhurën, kandidat për deputet në listën e hapur të Koalicionit Euroatlantik në njësinë numër 4 në kryeqytet, ndërsa i drejtohet kryeministrit që të mos merret me shokët e tij, por me të vetët, pasi po i dalin duarsh.
Basha: Ke fillu me u marrë me shokët e mi ë, kishe kërku Hysenin që në mëngjes. Ja ku e ke Hysenin o Rame
Xhura: Rame, këtu jam, këtu. Njësia 4, kolona katër.
Basha: Koalicioni Euroatlanik Rame, kandidat për deputet te njësia 4, kolona 4. Po ç’pune ke me shokët e mi o Rame?! Merru o burrë me shokët e tu se po të dalin duarsh. Se po mban dot burgun Lali Eri Rame, ka fillu me lëviz, po të bën presion. Ruhu Rame se dy paketa t’i dhashë për njonin, mos më bëj të shkoj të blej ca paketa të tjera. E merr vesh vetë ti.
Edhe më herët gjatë ditës së sotme, Basha replikoi me Ramën duke i thënë se ka mbetur gjithmonë pasagjer dhe nuk ka hipur kurrë në timon, pasi për të drejtonin të tjerët, ndërsa më pas i çon në burg.
