Ish-kryeministri Sali Berisha i është rikthyer edhe një herë “martesës” së PD me LSI. Duke folur në emisionin “Vendore 2015” të ABC News, Berisha është ndalur në videon Meta-Prifti dhe gjyqin që e shoqëroi në 2011 duke iu përgjigjur për herë të parë pyetjes që i kanë bërë vetes mijëra shqiptarë, se pse ai mbrojti Metën dhe ndikoi në faktin që ai mos të arrestohej për korrupsion.
“Nëse ilir Meta më ka hedhur hi syve për 700 mijë euro do të them se më ka hedhur hi syve. Por kishte një proces gjyqësor. Dhe në dokument shkruhej qartë se dëmi i krijuar nga moszbatimi i vendimit të gjykatës ishte 700 mijë euro. A ishte rregulluar kjo më vonë nuk e di. Por kishte një gjyq”, tha Berisha
Ish-kryeministri Sali Berisha ka komentuar edhe fushatën elektorale, ndërsa i qëndron besnik vendimit të tij për të mos u përfshirë.
“Është një vendim që e mora dhe nuk jam penduar. I takonte kryetarit të ri të udhëhiqte fushatën” tha ish-kryeministri.
