Kandidati për bashkinë e Himarës, Fredi Beleri, i cili vjen nga PBDNJ dhe OMONIA, ka siguruar mbështetje nga politikanë dhe deputetë ekstremistë të djathtë grekë.
Deputeti i Partisë Demokracia e Re, Maqis Voridhis, i ka premtuar Belerit se personalisht ditën e zgjedhjeve do të jetë në Himarë, bashkë me Harallambos- Babis Karathanos për të kontribuar në fitoren greke të Himarës.
Deputeti Maqi Voridhi, bashkë me Karathanos, janë njerëzit që e kanë përpunuar Fredi Belerin për t’u anëtarësuar në organizatën terroriste MAVI dhe SFEVA në fillim të viteve 1990.
Për masakrën e Peshkëpisë në Prill 1994, Maqi Voridhi u akuzua se kishte lidhje me MAVI. Në atë periudhë Voridhis ishte kryetar i Partisë Fronti Nacionalist dhe në procesin gjyqësor më 1996, ai doli dëshmitar në mbrojtje të Fredi Belerit.
Ditën e zgjedhjeve pritet të lëvizin nëpër jugun e Shqipërisë rreth 100 personalitete të jetës politike të Greqisë.
Failos Kranidhiotis, njëri nga bashkëpunëtorët e ngushtë të Andoni Samaras dhe mik i ngushtë i Fredi Belerit, më 17 Qershor shkruante në gazetën e djathtë greke “Dimoktratia” se Himara është Kalaja e greqizimit të Jugut të Shqipërisë dhe kryeministri Rama është një shovinist. Vetëm para pak ditësh, Fredi Berleri bashkë me Vasil Bollanon bënë një takim me Mitropolitin e Gjirokastrës, Dhimitris, i cili njihet për ndjenjat e tij antishqiptare.
Mitropoliti i premtoi Belerit se do të ndikojë tek besimtarët ortodoks që të votojnë atë. Ky është një rast i paprecedentë, kur një klerik i lartë fetar bënë fushatë politike, sepse feja dhe shteti janë të ndarë në Shqipëri.
Si figurë Fredi Beleri njihet më shumë për masakrën e Peshkëpisë në Prill të 1994 dhe për përdhosje të simboleve shqiptare në Tetor 2003.
