Kryeministri Edi Rama ka patur një takim me një sërë mësuesish në këtë muaj festash në Pallatin e Kongreseve dhe teksa mori fjalën e tij, pyeti mësuesit e pranishëm, se çfarë do të bënin ata sikur të ishin të ulur në karrigen e kryeministrit në parlament.
Një pyetje të cilës Rama i ktheu një përgjigje me hamendësim
“Mendja më thotë që do të iknit pa vënë nota.”- tha Rama.
Duke vlerësuar mësueset kreu i ekzekutivit tha se burrat përmirësohen, por nuk bëhen.
“Kur filluan të flasin disa në tavolina vetëm burrat flsinin ndërkohë që gratë mbanin fjalim. Burrat përmirësohen, por nuk bëhen. Prandaj të rrojnë gratë sa malet dhe pastaj nën hijen e maleve të rrojnë dhe burrat.”- tha Rama.
Në fund të fjalës së tij Rama tha:
Më tha Lindita që duhet të ikësh më shpejt sepse mësuesit duan të kërcejnë dhe të kënaqen pa protokoll… nuk më erdhi mirë kur e dëgjova sepse unë mund të kërcej shumë mirë, madje më mirë sa s’jua pret mendja… ja sheshi, ja mejdani, kapedani po ikën, kërceni e këndoni sepse e meritoni! /java/.a.k
