Basha, entuziast: Qeveria po adopton propozimet tona, por duhet të rrisë edhe fondin e emergjencës

“Ekonomia duhet të mos kalojë në koma. Pamjet që na shfaqen në media janë të tmerrshme”.

Kështu deklaroi kryetari i Partisë Demokratike prag mbrë mjen e së enjtes, teksa tha se qytetarë të shumtë po humbin vendin e punës dhe po rrite numri i familjeve që nuk marrin ndihma.

Ai kërkoi që autoritetet të shpërndajnë paratë ose ushqimet, të bëhet transparencë dhe të publikohet lista e përfituesve.

Basha tha se duhet të ketë masa shtesë e biznesi të mos detyrohet të largojë njerëzit nga puna.

“Thirrja për të paguar punëtorët në kohë pandemie është thirrje për falimentim. Shqiptarët duhet t’ua japësh sigurinë e daljes nga karantina, pa asnjë rrezik të shtuar. Beteja është më virusin. Virusi luftohet, njerëzit ndihmohen. I bëj thirrje qeverisë që të rrisë fondin e emergjencës. Koha nuk pret”, u shpreh Basha.

Lidhur me ndryshimet në Kodin Penal të miratuara në seancën e sotme parlamentare ai tha se në masë të madhe qeveria po adopton propozimet e Partisë Demokratike.

Sipas tij, sfida është që të zbatohet dhe mos zbatimi sjell kosto të madhe për qytetarët.