Jordi Mestre e ka quajtur skandaloz vendimin e UEFA;s për të lënë jashtë treshes më të mirë të Evropës, Leo Messin dhe Luis Suarezin. Zëvendës Presidenti i Barcelonës, Jordi Mestre ka akuzuar UEFA’n për lënien jashtë tre futbollistëve më të mirë të Evropës Leo Messin dhe Luis Suarezin.
Ai tha se ky vendim është skandaloz dhe në Barcelonë janë shumë të zhgënjyer për këtë.
“Nuk më duket vendim i drejtë. Nuk e di se çfarë kritere ka përdorur UEFA, por me gjithë respektin për tre finalistet, nuk jam dakord me përzgjedhjen”, tha Mestre për TV3.
“Lojtarët tanë, Suarez dhe Messi nuk janë aty dhe për mua kjo është skandal. Klubi është shumë i zhgënjyer”.
Kujtojmë se tre finalistet për lojtarin më të mirë të Evropës janë dyshja e Real Madridit, Cristiano Ronaldo e Gareth Bale, si dhe sulmuesi i Atletico Madridit, Antonie Griezmann, citohet “Express”. (b.an)
