Emisioni “Open” i Vasilit u fokusua dje te numri i personave që rezultonjë të zhdukur në Vlorë, nisur nga pretendimet e gazetares Lindita Çelaj, që thotë se janë 80 persona të zhdukur.
Ndonëse policia e shtetit reagoi duke saktësuar se janë vetëm 23 persona të zhdukur në Vlorë, ajo që ra në sy mbrëmjen e djeshme ishte insistimi i moderatores Eni Vasili te pyetja nëse këta persona të zhdukur, të përfshirë në aktivitet kriminal “kanë lidhje me politikën dhe pushtetin…” Përgjigjen moderatores ia dha pikërisht një prej kundërshtarëve të hapur të Kryeministrit Rama, ish deputeti i Vlorës, Arben Malaj.
Ish deputeti i Vlorës tha si njohës i mirë i zonës, se nuk ka asnjë drejtues politik të lidhur me krimin dhe se nuk është e vërtetë që krimi komandon qytetin. “Nëse e shohim si shqetësim publik, unë nuk besoj se krimi në Vlorë komandon qytetin. Nuk ka një njeri me mandat publik në Vlorë sot, që të ketë lidhje me krimin. Unë i njoh edhe njerëzit e administratës publike dhe nuk më rezultojnë të përdorur nga krimi”, tha Malaj.
Të njejtën bindje ndau edhe analisti Mentor Nazarko, i cili i kujtoi Eni Vasili dhe Lindita Çelajt që të mos sforcohen, për t’i thënë shqiptarëve se 80 persona janë zhdukur për larje hesapesh me botën e krimit.
a.çupaj
