Alfred Qefalia i akuzuar për vrasje të mbetur në tentativë dhe një nga të arrestuarit si vrasës me pagesë, fill pas shpërthimeve me tritol në Tiranë, akuzon policinë se e ka dhunuar që të pranojë krime që nuk i ka kryer. Sipas tij, drejtues të lartë të policisë e kanë kërcënuar, ndërsa tha se ai është dhunuar dhe për vepra që s’ka pasur lidhje.
“Më kanë thyer brinjët dhe do i kërkoj gjykatës të më rregullojë brinjët se më kanë rrahur dhe më kanë degjeneruar nuk mund të fle gjumë”, ka thënë Qefaliaj për “Gazeta Shqiptare”
Qefalia sqaruar edhe pozicionin e tij në lidhje me akuzat që ka ngritur i penduari i drejtësisë Kristi Pine, i dyshuar si pjesëtar i një grupi kriminal që kryente vrasje me pagesë për llogari të Admir Tafilit.
Para dy javësh, Kristi Pine, sapo ka hyrë në sallën e gjyqit u ndal drejt kafazit ku qëndronin të pandehurit Alfred Qefaliaj, Dritan Peksani dhe Klajdi Shermadhi dhe u drejtua me fjalët “Përse më shikon, ke një muaj që po më spiunon” dhe ka ofenduar në drejtim të tyre.
Asnjë nga të pandehurit nuk reagoi për faktin se askush nuk e kuptoi se kujt ju drejtua Kristi Pine me këto fjalë. Alfred Qefalia ka deklaruar se nuk ka lidhje me akuzat që pretendon Pine dhe se ai ka fakte për këtë.
