Kryetarja e FRESSH-it në Shkodër, Xheni Halili me anë të një postimi në rrjetin social “Facebook” ka reaguar në lidhje me letrën publike të deputetit Vladimir Kosta, duke cilësuar kështu ministrin e Financave, Arben Ahmetaj ‘një palaço’
Halili i ka dhënë mbështetjen e saj deputetit Kosta, ndërsa ka theksuar se do të i beson PS për të cilës iu bashkua betejës. “Palaçoja i PS e shumë të tjerë si ai. Unë besoj se Partia Socialiste për të cilën iu bashkova BETEJËS, kam ecur me kokën lart, sepse i kam ditur kufijtë e mi, dhe aq sa kam premtu kam ba (kam dëshmitarë kur kam premtu) do LUFTOJ shumë për të, se kur them ia dalim dhe fitojmë. Ne ia dalim dhe fitojmë, por n.q.s Ahmetaj e disa palaço si ai janë prapë në 2017, fjalë burrneshash: UNË, Xheni Haliliu, HEQ DORË! UNË TËRHIQEM! S’ASHT KY IDEALI JEM, S’ASH KJO PARTIA JEME!”.”, citohet në mesazhin e kryetares së FRESSH-it të Shkodrës, Halili.
Deputeti Vladimir Kosta dje në një letër publike drejtuar kryeministrit Edi Rama e akuzoi atë si mosmirënjohës për kontributin e tij në PS, ndërsa pohoi se shkak i mos vlerësimit ishte bërë përplasja e tij me Ahmetajn./bw/a.k
