Debatet kanë karakterizuar edhe ditën e sotme seancën e Kuvendit të Shqipërisë. Ka qenë Ministri i Ekonomisë Arben Ahmetaj i cili duke iu përgjigjur akuzave të PD-së tha se qeveria e majtë ka rikthyer faqe pas gjendjes në të cilën opozita e la vendin.
Ahmetaj i kujtoi opozitës premtimet për ndërtimin e rreth 350 hidrocentraleve në të gjithë vendin, si dhe arbitrazhin me CEZ.
“Ku i keni investimet e huaja ju? Ku i keni 350 hidrocentralet që do të ndërtonit? E mban mend si e latë OSHEE-në dhe çfarë bëtë me CEZ?”, tha Ahmetaj.
Por në kundërpërgjigjen tij kreu i grupit parlamentar të PD Edi Paloka tha se CEZ po i dhunonte qytetarët.
“Ne morëm vendim për ta larguar kompaninë që po dhunonte qytetarët. Por me këtë që po bëni ju po i dhunoni edhe më tepër.” tha Paloka
