Gjatë 24 orëve të fundit janë shënuar 25 vatra zjarri në qarqet Tiranë, Vlorë, Dibër, Elbasan, Berat. Emergjencat Civile bëjnë të ditur se, janë angazhuar 15 makina zjarrfikëse, 114 forca zjarrfikëse, 20 punonjës të Gardës, 130 forca ushtarake, 10 forca pyjore, 5 punonjës të zonave të mbrojtura dhe helikopterë. 
Por situata ende paraqitet e vështirë. Nisur nga kjo, ministri i Jashtëm Ditmir Bushati ka kontaktuar me homologun e tij grek, Kotzias, për ndihmë. Burime nga Ministria e Jashtme konfirmojne se ministri Bushati ka siguruar mbështetjen e homologut grek. Drejt Shqipërisë do të nisen 2 avionë zjarrfikës nga Korfuzi, për të ndihmuar përpjekjet e zjarrfikëseve shqiptare.
ma.me
