Ditët e fundit janë shkarkuar tre gjyqtarë të Gjykatës së Lartë nga procesi i Vettingut.
Kryetari i kësaj gjykate Xhezair Zaganjori ka marrë masa që të vihen në zbatim vendimet. Ai nuk ka pritur që të shprehet përfundimisht Komisioni i Posaçëm i Apelimit, por ka urdhëruar të përjashtohen nga trupat gjyqësore ata gjyqtarë që janë shkakruar.
Ndërsa çështjet me afat gjykimi të menjëhershëm në të cilat gjyqtari i shkarkuar është caktuar relator duhet të rihidhen në short sipas urdhrit të Zaganjorit. Përsa i përket dosjeve ku gjyqtari i shkarkuar është pjesë e trupit gjykues do të gjykohet nga gjyqtarë të gatshëm.
Gjykata e Lartë aktualisht ka vetëm 7 nga 19 gjyqtarë që duhet të ketë. Nesër para Komisionit të Pavarur të Kualifikimit do të dalë vetë kryetari i Gjykatës së Lartë, Xhezair Zaganjori. Gjykata e Lartë po shkon drejt rrugës së Kushtetueses, e cila prej disa muajsh është e bllokuar, pasi u shkri nga Komisioni i Vettingut./a.m.
Zaganjori nuk pret vendimet e Apelit, përjashton nga trupat gjyqtarët e “djegur” nga Vettingu
