Kryeministri Zoran Zaev tha në një intervistë për Euronews se Greqia dhe Maqedonia do të përfitojnë nëse marrëveshja për emrin e dakorduar nga dy vendet do të zbatohet sa më parë të jetë e mundur.
Intervista e Zaev vjen një javë pasi Ish-Republika Jugosllave e Maqedonisë zhvilloi referendumin mbi marrëveshjen e qershorit, që i hap rrugë vendit për anëtarësim në NATO dhe BE.
91.5% e qytetarëve maqedonas votuan pro marrëveshjes me Greqinë, por pjesëmarrja në votim ishte vetëm 37%, shumë me e ulët se 50 % për të bërë legalisht të vlefshme.
“Ka mjaft kohë, por ne të gjithë pajtohemi që sa më shpejt të zbatohet marrëveshja aq më mirë do të jetë për të dy vendet, pasi marrëveshja ofron shumë përfitime”, u citua të thoshtë Kryeministri Zaev.
“Unë jam i kënaqur me suksesin e këtij procesi plotësisht demokratik, ku të gjithë votuesit e vendosur hodhën votën e tyre për të thënë në cilin drejtim ata duan që vendi të shkojë. Nëntëdhjetë e një për qind i dërguan një mesazh të qartë politikanëve tanë se deputetët duhet të shkojnë në Parlament dhe ta ratifikojnë atë, “shtoi ai.
Zaev tani do të duhet të sigurojë shumicën e dy të tretave në parlament në mënyrë që të jetë në gjendje të bëjë ndryshime kushtetuese.
Ai tha se nëse të gjitha rrugët e mundshme për të arritur një shumicë dështojnë, atëherë zgjedhjet e përgjithshme të parakoheshm do të jenë të nevojshme. “Por Maqedonia nuk ka nevojë për zgjedhje”, vuri në dukje ai.
a.ç
