Fatmir Xhafaj, një prej personazheve kryesorë për Reformën në Drejtësi, bëri të ditur sot se sapo është përfunduar i gjithë kuadri ligjor sa i përket kompletimit të Reformës në Drejtësi. Sipas tij, janë hartuar një sërë ndryshimesh sa i përket çështjeve civile, gjykatave administrative, kodin e procedurës penale etj.
“Këto ligje kanë rëndësi se sjellin risi në rolin që kanë aktorët në sistemin e drejtësisë. Këto projektligje i janë nënshtruar një konsultimi të gjerë publik, por edhe me ekspertët jo vetëm të atashuar pranë komisionit por me gjithë sistemin. Kjo ka dhënë efekte pozitiv. Shpresoj dhe besoj se do të ketë shumë avantazhe”, deklaroi Xhafaj.
“Përmbyllëm një element të rëndësishëm siç është gjykimi në Gjykatën e Lartë. S’do jetë më një gjykatë fakti që do i kthejë çështjet në shkallën e parë por do të jetë gjykatë ligji. Do unifikojë praktikën, do e zhvillojë atë, por s’do merret siç është marrë deri më sot. Këto projektligje kanë marrë votën e të gjithë deputetëve në komisionin e ligjeve, jo vetëm të PS-së. Ftoj dhe opozitën të japë mbështetjen për këto ligje. LIgjet ulin kostot e procesit dhe japin drejtësi në kohën e duhur”, tha Hysi. /javanews.al
ma.me
