Shqiptari Osman Shafpapaj 55 vjeç akuzohet zyrtarisht nga autoritetet australiane për vrasjen e vajzës së tij dhe dhëndrit.
Akuza i është komunikuar në spital, aty ku ndodhet në shtrat pas të shtënave më 31 dhjetor të 2019. Shafpapaj ndodhet jashtë rrezikut për jetën dhe është në mbikëqyrjen e Policisë.
Së shpejti ai do dalë para trupës gjykuese të Gjykatës së Melburnit ku do jepet edhe vendimi.
Shkaqet reale të kësaj tragjedie brenda një familje emigrantësh shqiptarë nuk dihen ende por dyshohet se kishte të bënte me shkëputjen e vajzës së saj në një jetë të re, larg nga ai.
Natën e Vitit të Ri, Osmani vrau të bijën, Lindita Musai, e cila kishte nisur një jetë të re me bashkëshortin e saj, Veton Musai.
Osman Shaptafaj jetonte vetëm 5 km larg nga çifti, por u largua nga ajo dhe nëna e saj mes akuzave për trazira brenda familjes.
Ai u gjet menjëherë pas sulmit një bllok larg me plagë me armë zjarri në kokë. DailyMail zbuloi se i akuzuari kishte vetëm dy vepra penale të regjistruara.
Në vitin 2004 ai u gjobit me 700 dollarë dhe iu pezullua licensa për një muaj pasi u deklarua fajtor për drejtim makine në gjendje të dehur.
/a.r
