Prej vitesh Siria është mbërthyer nga lufta civile. Ata që e vujnë më shumë janë popullsia civile, të cilët u duhet të përballen edhe me mungesën e furnizimeve në ushqime.
Një prej qyteteve më të izoluara nga luftimet është edhe Madaja, rreth 40 km larg nga kryeqyteti Damask. Në këtë qytet të vogël janë raportuar qindra të vdekur nga uria, një pjesë e të cilëve fëmijë.
Prej muajsh qyteza është e rrethuar nga milicët e Hezbollahut. Popullsia civile po vuan prej kohësh urinë dhe të ftohtin.
Qyteti i mbuluar nga bora është rikthyer në vëmendje pas një videojë të publikuar dy ditë më parë nga portali “AJ+”. Në të shihen fëmijë e të rritur në gjendje të mjerueshe nga uria.
Mungesa e mallrave dhe rrugëve të lira për furnizim ka bërë që çmimet të shkojnë në shifra të pabesueshme.
200 dollarë vetëm një kilogram oriz, ndërkohë për një kuti qumështi pluhur paguhet 400 dollarë.
Vetëm në javët e fundit kanë vdekur 23 persona nga uria, mes tyre 6 fëmijë.
