Dhoma Britanike e Tregtisë në Shqipëri shprehet kundër Paketës Fiskale të vitit 2027 dhe i bën thirrje qeverisë për rishikimin e saj, me argumentin se rritja e tatimit mbi dividendin, ndryshimet në TVSH dhe ulja e pragut të regjistrimit mund të rëndojnë bizneset, të ndikojnë tek investimet dhe të rrisin kostot për konsumatorët.
Dhoma Britanike e Tregtisë shpreh shqetësimin për efektet që mund të sjellë paketa e re fiskale në ekonominë shqiptare, veçanërisht në sektorët me investime afatgjata dhe kontrata të lidhura më parë.
“Ndryshimet e propozuara nuk duhet të vlerësohen vetëm në funksion të të ardhurave shtesë që mund të sigurojë buxheti i shtetit, por edhe për ndikimin që mund të kenë në vendimet e investitorëve, financimin bankar, punësimin dhe konkurrueshmërinë e ekonomisë”, thuhet në reagim.
Dhoma Britanike e Tregtisë i drejtohet qeverisë shqiptare me dhjetë kërkesa konkrete, mes të cilave rishikimi i masave fiskale, shtyrja e zbatimit dhe analizimi i ndikimit të tyre në ekonomi. Një nga kundërshtimet kryesore të Dhomës Britanike lidhet me propozimin për rritjen e tatimit mbi dividendin nga 8% në 15%.
Sipas organizatës, ndryshimi përfaqëson një ndërhyrje të rëndësishme në trajtimin fiskal të kthimit të kapitalit dhe mund të ndikojë drejtpërdrejt vendimet e kompanive për shpërndarjen e fitimeve, riinvestimin dhe financimin e aktivitetit.
Rritja e TVSH-së në 21% për Dhomën Britanike do të sjellë rritje të çmimeve për produktet bazë dhe shërbimet, duke ndikuar te fuqia blerëse e konsumatorëve dhe konkurrueshmëria e bizneseve.
Organizata vlerëson pozitivisht objektivin për uljen e barrës së konsumit për produktet bazë ushqimore, por kërkon që të monitorohet nëse ulja e TVSH-së do të reflektohet realisht në çmimet përfundimtare.
Gjithashtu, kërkohet që qeveria të vlerësojë efektin neto të të gjitha ndryshimeve të propozuara mbi inflacionin, konsumin, aktivitetin ekonomik dhe të ardhurat buxhetore.
Kjo dhomë Amerikane e tregetisë, është shumë armiqësore me këtë qeveri.
Tradicionalisht dhe në mënyrë agresive.
Nuk ekziston asnjë rast që të kenë mbështetur këtë qeveri.
Ose emrin kanë AMERIKANE si fasadë, por nga prapa kanë tjeter Kontraktor subvencionues,
Ose janë HAJDUTË, që fshihen pas amerikës,
ose janë spiunë të dikujt tjeter….
Nuk u ngopën duke krijuar pështjellime e tymnaja.
Kjo dhomë ka dalë JASHTË OBJEKTIT të krijimit të sajë.
Qeveria, të bisedojë me USA departament shteti, që ta mbyllin këtë dhomë tregëtie ose të nderrohen drejtuesit që kanë dalë jashtë objektit të krijimit të sajë.