Veçanërisht gjatë pandemisë, janë të shumtë ata që kanë filluar të punojnë në videokonferencë nga banesa e tyre.
Jo rrallë kamerat mbyllen dhe mbledhja e radhës thjesht dëgjohet, diçka që të lejon një relaks më të madh, dhe mundësinë për mos t’u veshur në mënyrë zyrtare ose për t’u trukuar.
Por disa ekzagjerojnë, si një këshilltari bashkiak rumun që ka bërë një gafë që në pak orë është shndërruar në virale, madje ka shënuar fundin e eksperiencës së tij politike.
Janë kamerat e bashkisë së Bukureshtit që kanë transmetuar live pamjet qesharake.
Si gjithmonë, mbledhja e Këshillit Bashkiak në kryeqytetin rumun jepet live, por këshilltari Albert Caraian me sa duket nuk është shumë i stërvitur me teknologjinë e fundit, dhe gabimisht aktivizon kamerën e celularit, që zbulon vendodhjen e tij disi të sikletshme.
Caraian ndodhej në dush, praktikisht lakuriq, i surprizuar dhe i sikletosur teksa shtohej ilariteti midis kolegëve të tij që po e shihnin.
Episodi zgjati rreth 40 sekonda, deri sa dikush i sugjeroi këshilltarit të pafat të fikte kamerën. Gabimi i rumunit bëri xhiron e rrjetit, dhe i kushtoi postin e këshilltarit, vetëm pas 3 orësh.
/a.r
