Kryeministri Edi Rama dhe Dritan Abazoviç kanë nisur ceremoninë e firmosjes së marrëveshjeve mes dy vendeve. Ata kanë firmosur marrëveshjet e pikës së re ndërkufitare dhe ndërtimin e urës mbi lumen Buna.
Ndërkohë që një memorandum Mirëkuptimi për bashkëpunimin në fushën e Energjisë është firmosur nga Belinda Balluku dhe Zv/kryeministri dhe Ministri i investimeve kapitale në Mal të Zi, Ervin Ibrahimoviç. Një marrëveshje për peshkimin në liqenin e Shkodrës dhe lumin e Bunës u nënshkrua nga ministrja e Bujqësisë, Frida Krifca dhe homologu i saj Vlladimir Jokoviç. Gjithashtu nga këta të dy është firmosur marrëveshja në fushën e mbrojtjes së shëndetit të bimëve. Një tjetër marrëveshje është për bashkëpunim në fushën e mbrojtjes sociale është firmosur nga Delina Ibrahimi dhe Ministri i Punës dhe Mirëqenies Shoqërore malazee Admir Adroviç.
Një memorandum bashkëpunimi është firmosur edhe në fushën e arsimit. Marrëveshja është firmosur nga ministrja e Arsimit dhe Sportit Evis Kushi, Ministrja për Rininë dhe Fëmijet Bora Muzhaqi dhe Ministri i Sportit dhe Rinisë në Mal të Zi Vasilije Llallosheviç.
Në ceremoni u firmos gjithashtu programi i bashkëpunimit kulturor midis Elva Margariti dhe homologut malazez. Gjithashtu dy palët kanë firmosur një memorandum mirëkuptimi dhe bashkëpunimi midis Ministrisë së Mbrojtjes së Republikës së Shqipërisë dhe Ministrisë së Mbrojtjes së Malit të Zi (Ministri i mbrojtjes Niko Peleshi dhe Drejtuesi i Ministrisë së Mbrojtjes Filip Axhic).
Në fund është firmosur edhe memorandumi i bashkëpunimit midis dy ministrive të shëndetit. Firmosja është bërë nga ministrja e Shëndetësisë dhe Mbrojtjes Sociale Orgeta Manastirliu dhe Ministri i Shëndetit Dragosllav Shqekiç.
Marreveshjet:
1- Rama dhe Abazoviç firmosin nënshkrimin e marrëveshjes për urën e Ulqin-Velipojë
2- Kryeministrat e dy vendeve marrëveshjen për pikën e re doganore
3- Marrëveshje për investime kapitale mes dy qeverive
4- Marrëveshje memorandum për bashkëpunim për realizimin e projekteve të infrastrukturës
5- Marrëveshje mbi bashkëpunimin në bujqësi për peshkimin në liqenin e Shkodrës
6- Marrëveshje mbi bashkëpunimin në fushën e mbrojtjes së shëndetit të bimëve
7- Marrëveshje në fushën e mbrojtjes sociale (jo ogerta, por firmos Ibrahimi)
8- Marrëveshje për bashkëpunim mes ministrive të arsimit dhe sportit
9- Marrëveshje për programin e kulturës dhe medias 2023-2025
10- Marrëveshje memorandum për marrëveshjen dhe bashkëpunimin për mbrojtjen
11- Marrëveshje bashkëpunimi për shëndetin
/s.f
