Policia Rrugore e Lezhës vijon kontrollet përgjatë akseve kryesore, ku fluksi i lëvizjeve të mjeteve është shumë i lartë, kjo për shkak edhe të sezonit turistik.
Përgjatë një jave janë proceduar 12 shtetas për shkelje të rregullave në qarkullim dhe për drejtim mjeti në gjendje të dehur. Por plani i masave nuk ka përfunduar me kaq. Policia ka pezulluar edhe 47 leje drejtimi, ndërsa janë vendosur edhe 818 masa të tjera administrative ndaj shkelësve të “Kodit Rrugor”.
Njoftimi i policisë:
Vijon zbatimi i planit të masave nga Policia Rrugore për rritjen e parametrave të sigurisë rrugore si dhe menaxhimin e fluksit të mjeteve deri në orët e vona për sezonin turistik në plazhet e Shëngjinit dhe Tales, kryesisht në fundjavë.
Arrestohen dhe proçedohen penalisht 12 shtetas për ” Shkelje të rregullave të qarkullimit rrugor” dhe ” Drejtim mjeti në mënyrë të parregullt ( pa leje drejtimi dhe gjendje të dehur ) duke u bërë edhe burim aksidenti. Gjithashtu, janë konstatuar dhe ndëshkuar edhe 8 drejtues duke drejtuar mjetin nën ndikimin e alkoolit.
Janë pezulluar 47 leje drejtimi.
Janë vendosur 818 masa administrative, nga këto:
226 masa për shpejtësi tej normave të lejuara,
96 masa për përdorim të celularit gjatë drejtimit të mjetit,
224 masa për parakalim të gabuar,
102 masa për ndalim qëndrimi,
Ndërsa pjesa tjetër e masave administrative, për shkelje të ndryshme të Kodit Rrugor.
Policia Rrugore e Lezhës, do vijojë kontrollet e pandërprera, me qëllim parandalimin e aksidenteve rrugore dhe rritjen e parametrave te sigurisë rrugore, ku apelon për të gjithë përdoruesit e rrugës që të bashkëpunojnë duke respektuar rregullat e qarkullimit rrugor.
Mos shpejto të arrish aksidentin !
