Xhevahir Jonuzi është personi që u arrestua pas shumë viteve në kërkim. Që prej vitit 1997, ai ishte në listën e të kërkuarve, për një vrasje të dyfishtë të kryer prej tij në 25 marsin e atij viti në Orikum të Vlorës.
Shezai Belaj dhe Shkëlqim Gurhanaj janë ekzekutuar nga Xhevahir Jonuzi, ndërsa gjykatat e të gjitha shkallëve e kanë dënuar me 25 vjet heqje lirie, pavarësisht se vepra penale ka qenë e rëndë.
Ndërkohë, burimet e policisë thanë se për arrestimin e këtij personi janë angazhuar në terren më shumë se 100 trupa policie, mes të cilëve edhe agjentë të antikrimit, që mbajtën të rrethuar për shumë kohë fshatin.
Sipas Policisë, aksioni ka nisur në orët e vona të mbrëmjes, por për shkak të rrezikshmërisë së personit, ndërhyrja është bërë në momentin, kur ka rënë plotësisht ndriçimi.
g.kosovari
