Gjykata e Tiranës ka dhënë masën e sigurisë për paraditen e së shtunës, për 31 të arrestuarit si përgjegjës për dëmet e shkaktuara nga tërmeti i 26 nëntorit në qarkun e Tiranës.
Gjyqtarja Vjollca Spahiu për shkak të dosjes voluminoze dhe pretendimeve të avokatëve mbrojtës, e dha sot vendimin, pas seancës maratonë të së premtes.
Ndaj të akuzuarve Prokuroria ka kërkuar masën e sigurisë “arrest me burg” për 7 nga të ndaluarit, ndërsa për të tjerët u vendosën masa më të buta sigurie.
Detyrim paraqitje u vendos për: Anila Harxhi, Reis Muça, Merita Kushe, Hekri Disha, Bukurie Halili, Adhurim Qehajaj, Stela Maze, Zhaneta Tagani, Shpëtim Kërçiku, Jan Ikonomi, Ermir Cina.
Arrest shtëpie u vendos për Faik Fejza, Ndoc Pepkolaj, Mehmet Felahi, Agim Eski, Pëllumb Korfuzi, Qiriako Gjergo, Asqeri Xhanari, Vjollca Hoxholli, Ali Dyrmishi, Shefqet Doda, Gerti Qalliku, Luan Beta.
Ndërkohë “arrest me burg” u vendos për: Fatbardh Plaku, ish-kryekomunari i Farkës, Hodo Gjoni, Artur Skela, Fejzi Dyrmishi, Besnik Fuçia, ish-kryekomunari i Kasharit, Naim Shehi, Gëzim Shkalla.
Besnik Fuçia dhe Fatbardh Plaku
Të dyshuarit u arrestuan si përgjegjës për 125 pallatet e shpallura të pabanuara dhe 200 objektet private.
Nën hetim janë venë ish-kryekomunar, ndërtues dhe nënkontraktorë, për të zbuluar kanë zbatuar me përpikmëri detajet e projektit dhe për këtë arsye kanë ardhur arrestimet.
Të ndaluarit akuzohen për veprat penale “Falsifikimi i dokumenteve”, “Ndërtim i paligjshëm” dhe “Shpërdorim detyre”.
Arrestimet nisën gjatë së martës dhe të arrestuarit janë kryesisht zyrtarë dhe ish-zyrtarë në Kashar, Farkë dhe Vorë.
Pjesë e listës së të arrestuarve janë ish-kryekomunarët e Farkës Fatbardh Plaku dhe ai i Kasharit Besnik Fuçia, si dhe shefi i Urbanistikës në Vorë, Luan Beta.
U ndaluan edhe arkitektet Stela Maze dhe Anila Harxhi, si dhe Merita Kushi, Bukurije Halili, Ali Dyrmishi, Vjollca Hoxholli, Gerti Çalliku, Zhaneta Tagani, Muhamed Felahi, Ndoc Pepkola, Hekri Disho, Jani Ikonomi, Qirjako Gjergo, Naim Shehi, Ermir Çina, Adhurim Qehajaj.
Këto arrestime erdhën pasi nga tërmeti 6.4 ballë i fund nëntorit, u dëmtuan shumë pallate e shtëpi krahas Durrësit edhe në Tiranë, çka nxori në pah cilësinë e dobët të punimeve.
g.kosovari
