Kundërshtimin e dy marrëveshjeve me aksione e protesta, siç është bërë muajt e fundit, Lëvizja Vetëvendosje do ta vazhdojë edhe më tej, raporton KTV. Në mbledhjen e Këshillit të Përgjithshëm të këtij subjekti, kryetari Visar Ymeri, tha se një gjë e tillë po bëhet pasi Republika e Kosovës është në kërcënim nga ‘Zajednica’.
Për kryeministrin Isa Mustafa dhe ministrin e Jashtëm, Hashim Thaçi, njëherësh zëvendëskryeministër, Ymeri tha se asetet e Kosovës po mendojnë t’ia falin Serbisë.
Ai kritika ka pasur edhe për presidenten Atifete Jahjaga, për të cilën tha se po ndjek mendësinë politike të Mustafës e Thaçit, duke theksuar se ‘dialog për Zajednicën nuk do të ketë’. Ai ka folur edhe për kontrollin e hapësirës ajrore, por edhe menaxhimin e parkut nacional të Sharrit, për çka Ymeri tha se tanimë Serbia po tenton t’i kontrollojë.
